منتديات المهندس الثقافيه والدينيه والعلميه والهندسيه

منتدى يناقش الثقافات ويهتم بالادب العربى وكل الفنون والابداع والاختراعات


    نكات شوايقه وجعليين

    شاطر
    avatar
    المدير العام
    Admin

    المساهمات : 64
    تاريخ التسجيل : 24/04/2008
    العمر : 28

    نكات شوايقه وجعليين

    مُساهمة  المدير العام في الأحد مايو 04, 2008 11:08 am

    نكات شوايقه وجعلين

    قال ليك فى واحد شايقى شاف جنازه الجعلى صحبو بقى يبكى قالو ليهو يا الشايقى ماعارف انو دى جنازه الجعلى قال ليهم عارفها بس انتو ماسمعتو الخديث اليقول انو البكى على الميت يعزبو قالو ليهو ايوا سمعناهو قال ليهم بس انا عاوز اعزبوقالو الشايقى لقى الجعلى فى البحر عاوز يغرق قام نزل البحر وانقز حياتو والناس استغربت قام الجعلى بعد ما افاق قالو ليهو الانقزك الشايقى قام قال ليهو ا قدام الناس انا والله ما كنت قايل الشوايقه ديل ناس فرسان وعندهم مرؤة والله كنت قايلهم ناس قتيتين لكن بعد السويتو معاى الليله دى راسى ما برفعو فيك قام الشايقى قال ليهو اسكت ياجنى ها انت ظنيت انا انقزتك حسنه فيك والله خفتك تموت شهيد

    الجعلى مرتو ولدت الساعه 3 بالليل بت قام هنق البت وقال ليها ماعندنا بت تجينا وقت زى دا

    الجعلى مرتو عاوزة تولد الدايه جاات تبشرو قالت ليهو مرتك جابت ليك بتين تيمان قال ليها حرم وعلى بالطلاق تشيلى واحدة منهم هديه



    الجعلى قاعد فى المواصلات يتكلم فى نفسهم ونحن الجعليين كد وكدا...بعدين المساعد نبه قال ليهم فى زول نازل محطه الدايات قام الجعلى نزل الشايقى لقاها فرصه اتلفت ليهو بالشباك قال ليهو فى زمتك دى محطه ينزل فيها راجل

    الجعلى عاوز يوصف للشايقى المكان اليتلاقو فيهو قال ليهو نتلاقى فى شارع المك نمر الشايقى عاوز يتقاتت قال للجعلى الشارع الجرابو ولا شنو

    سته شوايقه قتييتين غطسوا فى البحر قالو اليمرق راسو اول عليهو الغداء ما فى واحد فيهم مرق

    الشايقيه قالت لراجلها وكان اسمو صديق انت ما صديق انت كضيب انت ما بتعرف الصدق لا نو كان دائما يكزب ليها قام رد عليها وانت ماكى نفيسه اها نفستى

    الشايقى اتصل بصحبو الشايقى هاتفيا كيف يا عبود والله الحمد لله وكيف الاولاد والله تمام وكيف معاكم الزراعه السنه دى والله ميه الميه كل شى تمام اها وكيف رصيدك قال ليهو قلت شنو ما سامعك

    شايقى الحريقه قامت فى بيتو عمل مسكول لى ناس المطافئ

    شايقى قروشو وقعت منو بالبلكونه وقت نزل لقاها عارفين ليه لانو وصل قبلها

    امام شايقى يصلى بالناس سمع صوت واخد جاى يحصل الركعه جارى قام سلم وهو واقف

    شايقيه فتحت جواز راجلها لقت مكتوب مهنتو رجل اعمال قامت مسحت اعمال وكتبت عوضيه

    الشايقى جاتو ليله القدر قالو ليه اطلب اى شى بشرط انو الشى الدايره تتحقق للجعلى جارك مرتين قال ليهم قدو لى عينى

    شايقى عندو فرن جاهو شحات قال ليهو لى تلاته يوم ما ضقت طعم الرغيف قال ليهو ياهو زاتو ما اتغير

    الجعلى غنمايتو قاعد يحلب فوقها قامت رفستو وقعتو قام كتفها وحلبها ما خلى فوقها نقطه وشال اللبن كباهو ليها فى راسها وقال ليها انا ما محتاج لى لبنك ولا ليكى انتى

    شايقى راكب حمارو وماشى شاف بت رباطابيه حلوة شديد قال ليها اول مرة اشوف بت رباطابيه حلوة زى دى قالت ليهو واول مرة اشوف حمار طابقين

    شايقى يتحشر فى اى شى لقى ناس ملمومه قال ليهم الحاصل شنو قالو ليهو فى حادث فى ميت قال ليهم زحوا خلونى اشوف افسحوا الطريق انا عم الميت الناس فتحوا ليهو السكه وعاينو ليهو باسنغراب لمن دخل لى جوا لقى الميت حمار

      الوقت/التاريخ الآن هو الأحد أكتوبر 22, 2017 2:04 am